Satua Bali Pendek I Cicing Teken I Kambing

I Cicing Teken I Kambing

Ada kone tuturan satua Cicing teken Kambing. Dugase pidan, I Cicing kone matanduk tur I Kambing maikuh lantang. Kaceritayang matemu I Cicing ngajak I Kambing. Tepukina I Cicing matanduk, siliha tandukne teken I Kambing. Disubane I Kambing nganggon tanduk, iseng ia masuluh, marasa ia pantes pesan matanduk. Lantas, tanduk I Cicing tusing ulihanga teken I Kambing.

Buin kejepne, tagia tandukne I Cicing, nanging plaibanga teken I Kambing. Gedeg pesan basangne ​​I Cicing, ditu I Kambing ubera teken I Cicing, laut ceguta ikuh kambinge kanti pegat. Ikuh kambinge ento lantasan anggona teken I Cicing. Ento ane makrana kayang jani I Cicing maikuh lantang tur I Kambing ane matanduk.

I Kambing kaceritayang mabikas jele, nguluk-nguluk, ngorang nyilih, nanging tusing nyak ngulihang. Yen iraga masilihan patut ingetang ngulihang.